دخان الزقاره

[عنــاد]

في يدينك لمني واستر علي لا من شهقت
لو تشوف ابكاي وقف لا تقول اني بكيت

قول دخان الزقارة في عيوني واحترقت
جيت اطفي ما بقى فيها ولكني نسيت

دور لدمعي معاذير كثيرة.. قل عرقت
إلا تدري قول مدري احسبك نمت وغفيت

والله إنك ما كذبت الا معي دايم صدقت
بس عشاني ليت تكذب بس هالمرة ياليت

سو نفسك ما سمعت اني اناديه وشرقت
عدها شرقة مريض ومن سخونتها هذيت

تكفي لا تسألني عنه من كثر حبه زهقت
كل ما بغفي وألمك مر بالبال ووعيت

تجربة ولا لها حظ وعلى طول افترقت
انتهى المشوار فيها كان بايع واشتريت

واحد سير على قلبي وخذ وياه وقت
أي وقت إلا خذى وياه قلبي وش خذيت

كود جرح وونتين ودمعة العين وحرقت
قلب منهو يسمع ابيات القصيدة بيت بيت

هو نساني واحسب اني لا عشقته انعشقت
وانت أبي لي عيب واحد فيك ما عمري لقيت

هو سرق مني ابتساماتي وانا منك سرقت
قلبك ومذكر عطيتك بيوم من قلبي ووفيت

حتى في عز اندماجي في غرامك ما نطقت
الا اسمه والمصيبة قلتلي سم ورضيت

لا شرهت ولا زعلت ولا تغيرت وفرقت
هيه هيه الابتسامة ما تكدرت ومشيت

بس دمعة من عيونك وان سألتك ما صدقت
قلتلي الدخان داخل في وسط عيني وبكيت

..وسلامتكم..

[ابو حسين]

تجربة ولا لها حظ وعلى طول افترقت
انتهى المشوار فيها كان بايع واشتريت



كلمات عذبة وجميلة
تحياتي

[عنــاد]

عزيزي ابو حسين

شاكره لك مرورك العطر ومتابعتك المستمره لمواضيعي

يسعدني ويشرفني تواجدك على متصفحي وعساني مانحرم

منها طله ولك مني أجمل تحيه

[مينوو]

لا شرهت ولا زعلت ولا تغيرت وفرقت
هيه هيه الابتسامة ما تكدرت ومشيت

بس دمعة من عيونك وان سألتك ما صدقت
قلتلي الدخان داخل في وسط عيني وبكيت


صح لسانك حبيبتي

كلام ولا اروع
تقبلي مروري
تحياتي العطرة لك

[عنــاد]

صح بدنك غاليتي بنت الدلع

منوره متصفحي بطلتك عساني مانحرم منها

ويسلموووو على مرورك ومشاركتك الجميله

ودمتي كما تحبين